Kinabukasan, pagdating sa opisina, nadatnan niya si Bernard sa loob. Na-late siya ng dating dahil inihatid pa niya sa San Miguel University ang asawa.
“Good morning, Liam,” seryoso ang mukha ni Bernard. Ito ang unang paghaharap nila mula nang ipakilala niya si Bianca bilang asawa sa mga ito. Hindi pa niya alam noon na ama ni Bianca si Bernard.
“Good morning. Napadaan ka?” tanong niya at naupo sa sofa, kaharap ito.
“Kasama ko ang Ate Asena mo. Lumabas lang saglit,” malungkot na sagot nito. “Liam, nais kitang makausap about Bianca,” seryoso nitong sabi.
“Ano ‘yon?” tanong niya. Medyo kinakabahan siya. Kung anu-ano na ang naiisip niya — baka gusto siyang paghiwalayin ni Bernard. Hindi siya papayag. Asawa na niya si Bianca. Si Bianca ang magdedesisyon para sa sarili kung gusto nitong makip
