~1950~
"Ano bang mga kailangan niyo Elizabeth?" tanong ni Caloy na kasalukuyang ipinapakita sa mga bata ang mga kagamitang ginagamit nila sa paggawa ng iba't ibang klaseng makinarya.
Rinig na rinig ang bawat tunog ng mga makina at amoy din nila ang masangsang na amoy ng langis na ginagamit sa mga sasakyan.
Kaya ngayon ay nakatakip pareho si Python at Eeya ng kanilang ilong samantalang si Amalia at Armando naman ay mukhang sanay na sa amoy na ito tanda na lagi silang pumupunta rito ni Amalia.
"Leah, ano bang mga kailangan niyo sa paggawa ng bagay na tinutukoy ni kuya Leo?" tanong ni Amalia kay Eeya na ngayon ay may kung anong kinukulikot na makina kaya naman agarang napatakbo palapit sa kaniya si Caloy at tinapik palayo ang kamay nito dahilan para magulat ito maging sila Python.
"Huwa
