~1950~
“T—teka Eeya, ano bang trip mo kanina? Bakit parang ayaw mong sabihin namin sa tatay ni Armando ang totoong pakay natin sa ospital?” nagtatakang tanong ni Python nang makalabas na sila sa pagamutan.
“Oo nga Eeya, bakit mo ako pinigilang sabihin kay Don Tuason ang totoong pakay natin sa pagamutan?” nagtatakang tanong ni Amalia dahilan para mapabuntong ng hininga si Eeya at tinignan nga ng diretso ang dalawa.
Samantalang nasa likod naman nila ngayon si Armando na kasalukuyang inihahanda na ang mga bisikleta.
“’Diba nga kasi banggit ng banggit ‘yong baliw na Don ang may kagagawan ng lahat ng ito. At narinig ko na tinatawag din palang Don ang tatay ni Armano. Eh, malay ba natin kung sinong Don ang tinutukoy niya diba? Malay natin kung nasa paligid lang natin ito at nagpapanggap na
