~Hulyo 15, 2016~
“Chief, bakit balita ko ay pati na rin si Rafael ay nawawala? Ano bang kalokohan ito chief? Ginagawa niyo po ba talaga ng maayos ang mga trabaho niyo?” sunod-sunod na bulalas ni Lino na ngayon ngay kakapasok lang sa opisina ni Chief Ragosa.
Hindi tulad ng dating Lino na laging disente kung tignan. Ngayon ay halata na sa kaniyang mga mata ang halos ilang gabing hindi niya pagtulog. Namamayat na rin dahil sa kawalan niya ng gana na kumain. Halos hindi na rin siya nakakapasok sa kaniyang opisina dahil sa paghahanap niya kay Eeya.
“Lino huminahon ka nga! Sinabi ko na sa’yo hindi ba na ginagawa namin lahat ang aming makakaya para mahanap ang lahat ng mga nawawala,” pakli ng Hepe dahilan upang matigilan si Lino at diretso ngayong tinignan ang hepe.
“Ginagawa? Eh, ilang bese
