Eliza's POV
"Welcome back!" sinalubong ako ng sigawan pagkapasok na pagkapasok ko pa lang sa pintuan nitong studio.
Napangiti ako. Hindi naman sila halatang masayang-masaya na nakabalik na ako.
Excited pa ako kaninang umaga magising dahil ngayon nga ang araw na babalik na ako rito.
Nalungkot nga lang ako kanina dahil hindi ko na naabutan pa si Keanne. Maaga na naman yata pumasok or baka hindi na naman siya pumasok sa kwarto namin. Bakit kailangan niya pa akong iwasan? Pakiramdam ko, iniiwasan niya ako.
"Oh? Bakit ka malungkot? Naghanda pa naman kami para sa pagbabalik mo." sabi ni Jessa ng makalapit sa akin.
"Hindi ako malungkot. Natutuwa nga ako dahil makakasama ko na ulit kayo." nakangiting sabi ko sa kaniya.
"Kung ganoon, halika na. Ihahatid na kita sa pwesto mo." hinila k
