"Pero, Big Brother–“
"Enough, huwag tayong magtalo sa usaping ito. Kung may malasakit kayo kay Third Brother at sa negosyo niya, ang mahalaga at kailangan nating gawin ngayon ay hanapin siya sa lalong madaling panahon. Kung patuloy nating pagtalunan ito, hindi natin mahahanap agad si Third Brother," ani Tristan. Alam niyang makikipagtalo pa si Rocco kay Brandon, kaya mabilis niya itong inawat.
Tiningnan lang din ni Brandon si Rocco ng matalim saka ibinaling kay Manang Nympha ang tingin.
"Manang Nympha, kapag tumawag sa iyo si Third Brother, tawagan mo kami agad. Aalis na muna kami sa ngayon,” paalam ni Brandon saka tumayo na mula sa pagkakaupo sa sofa at lumakad na palabas.
"Mag-iingat po kayo, Sir!" magalang na sabi ni Manang Nympha.
******
Kinabukasan, nagising si Lorraine dahil sa
