Nagising si Hope ng isang pamilyar na silid. Sa pagkakaalam niya ay ito ang silid ni Zane. Alam niyang ito ang silid ni Zane dahil nasulyapan niya ang picture nilang dalawa na nakalagay sa isang glass frame na nakapatong sa nightstand. At ito rin ang silid na namulatan niya matapos mahulog sa bangin ang sinasakyan niyang taxi?
Pero paano siya napunta dito?
Ano bang nangyari sa kanya?
Inalala niya kung ano ba ang nangyari sa kanya. Muli niyang naipikit ang mata nang maalala ang ina. Kumuyom ang kamay niya. Magbabayad ang mga pumatay sa kanilang ina. Alam niyang sa mga oras na ito ay nag-iisip na ng paraan ang kanyang kapatid kung paano nila mahuli ang mag-asawang Greco. Kailangan nilang mahuli ang mga ito. Madami siyang katanungan na gusto niyang itanong sa mga
