Isang nakabibinging katahimikan ang bumalot sa kanila ni Ivo at Zachi. Umiiyak pa rin siya at nakahawak sa batok nito. Hindi naman ito bumitiw sa kanya at nakatitig lang din sa kanya. Hindi sila umiimik na dalawa. Tahimik na umiiyak pa rin siya. Wala naman siyang nakitang kakaibang reaksyon kay Ivo. Nakatitig lang ito sa kanya na para bang hinihintay rin siyang sumagot.
Nang hindi siya sumagot at tanging paghikbi lang ang kanyang ginawa ay saka ito bumuntong-hininga.
“Can we sit?” marahang tanong pa nito sa kanya.
Napaawang ang bibig ni Zachi at nanatili lang nakatitig sa lalaki. Sobrang kalmado ng mukha nito na tila ba hindi man lang naapektuhan sa sinabi niya. Suminghot si Zachi at pumayag sa gusto nito. Nag-indian sit sila sa buhangin, nakatingin sa dagat na ilang metro lang din a
