NAPATINGIN si Lhorde sa kaniyang ama nang tapikin siya nito sa balikat.
“Hindi ka raw kumain,” wika pa nito sa kaniya.
Nagbawi siya ng tingin at itinuon iyong muli sa labas ng bintana. “Hindi ho ako nagugutom, Dad.”
“You need to eat. Pagkatapos mong kumain, may sasabihin ako sa iyo.”
“At ano naman po ‘yon?”
“Kumain ka muna,” ani Francis na muling tinapik ang balikat ng anak.
“Dad—”
“About Raven,” agad nitong putol sa sasabihin pa ni Lhorde.
Natigilan si Lhorde sa sinabing iyon ng kaniyang ama. “T-tungkol ho kay Raven? May lead na po ba kayo kung nasaan siya?”
“Kumain ka muna,” iyon lang at naglakad na ito palayo.
Bigla siyang nabuhayan ng loob. Knowing his father, hindi talaga ito magsasalita kung hindi niya susundin ang sinabi nito. Kaya naman minabuti niyang sundin ang nais ng
