What? Siya pag-sisilbihan ko? Naiwan akong naka-nga-nga at di makapagsalita. Pero biglaan naman yata ang pagkuha nila kay Nicka? Tinanghali na ba ako ng gising para di ko napansin ang pag dating ng Mommy ni Nicka? O sadyang lihim nilang ginawa ito?
Matapos manyari ang pagkalunod ko ay nakapag desisyon na akong umalis sa puder ng mga Delmundo. Hindi ako makakakilos ng maayos kung ganito lang naman. Ni isang sandata wala ako. Ni hindi ko pa nakakausap sila Mommy. Kaya mas maaigi pang aalis nalang ako, at lalaban ng patago.
"Ella, iha kumain kana," napukaw ako sa malalim na pag-iisip nang dumating si Manang. Tipid akong ngumiti at sinunod ang paanyaya niya.
Tahimik akong kumakain. Mag isa lamang ako sa mahabang mesa. Nais ko sanang tanungin si Manang, tungkol kay Nicka, subalit wala ni is
