Perrie.
Paglabas ko sa kwarto ni Luther ay hindi ko na naabutan si Pia, kaya nagpasya akong bumalik dito sa kwarto nila. Mayroong dalawang pintong pagitan mula sa silid ni Luther. Lakad-takbo ang ginawa ko at habang papunta ro’n ay inaayos ko rin ang sarili. Sinisiguradong walang kahit na anong bakas ng milagrong nangyari kanina.
“Kanina pa po kita hinahanap, Mama!” Ito agad ang naging bungad sa akin ni Pia.
Naabutan ko siyang nakaupo sa kama at pinaglalaruan ang manika niya na si Elsa, habang si Patrick naman ay nilingon lang ako pagkatapos ay ibinalik ulit ang atensyon sa mga inaayos na damit sa closet.
Lumapit ako kay Pia pero hindi na ako umupo sa kama. Ang gusto kong gawin ngayon ay maligo dahil nanlalagkit ako sa ibaba!
“H-ha? Nag-usap lang kami ng a-ano… ng Papa Luther mo.” K
