Perrie.
“Madalas ka ritong magbakasyon?” tanong ko kay Luther habang naglalakad kami papunta sa likod-bahay nila.
Sa tabing-dagat daw kami magtatanghalian. Aniya ay mayroong bahay kubo roon kung saan tanaw na tanaw ang dagat.
“Not really. Ngayon na lang ulit matapos ang ilang taon,” sagot naman ni Luther.
Napatango-tango ako. Hindi na ako nagtanong kung ilang taon ang ibig niyang sabihin, pero mukhang matagal-tagal na nga. Base rin kasi sa tuwang nakita ko kanina sa mga kasama niya rito sa bahay ay parang ang tagal nilang hindi nakita si Luther.
Paglabas namin sa rest house ay mayroong patio kung saan nakaharap sa isang malawak na swimming pool.
Ang malinaw na tubig ng pool ang agad na bumungad sa amin. Tila nang-eenggany pa ang tubig na maligo na.
Kahit tanghali na ay hindi r
