Nanlumo si Massimo nang makita niyang sarado na ang Colombo Via Ristorante nang dumating siya. Pero nabuhayan siya ng loob nang makitang may lumabas na lalaki mula roon. Naka-uniform pa ito ng pang-waiter at may bitbit na trash bag.
Mabilis na umibis sa kaniyang sports car ang binata at nilapitan ang waiter. "Hey, I need polpette di pesce," maangas at walang bati-bati na wika niya rito.
Nagulat ang lalaki nang makita siya. "Mi dispiace, signore. Ma siamo già chiusi." I'm sorry, sir. But we are closed already. magalang na sagot nito sa kaniya. "Balik na lang kayo bukas."
"But I need it right now," mariin na giit niya. "Hindi ako pupunta rito nang ganitong oras kung bukas ko pa gustong kumain niyon. Scemo!" Stupid!
Napakamot sa ulo nito ang waiter. "Pasensiya na talaga, Sir. Pero sarado
