Mag-isang nakahiga sa pool lounger si Dianne habang nagbabasa ng magazine. Nasa mansiyon pa rin siya ni Massimo at nagpapahinga. Pareho silang hindi pumasok. Kahit anong pilit niya rito na pumasok ito at kaya naman niya ang kaniyang sarili ay hindi talaga ito pumayag. Mas gusto raw nito na bantayan at alagaan siya. Bagay siyempre na nagpakiliti na naman sa puso ni Dianne.
At bagay rin na hindi niya alam kung bakit.
Napapantastikuhan din siya kay Massimo. Dahil wala naman sa paligid ang ama nito. Pero kung umasta ito sa kaniya ngayon ay para talaga itong asawa niya. Alagang-alaga siya. Halos ayaw nito na kumilos siya sa bahay na iyon. Lahat ng gawain ay inaako nito. Mula sa pagluluto ng pagkain nila sa almusal hanggang kaninang lunch ay ito ang personal na naghanda. Nagulat nga si Dianne
