"BROTHER, may napapansin ka ba sa boss natin?"
"Ikaw, Omar, ano na naman ang iniisip mo. Susme. Tayo-tayo na nga lang ang kasama ni boss. Subalit mukhang pinag-iisipan mo na naman."
"Heh! Bakit ba advance kang mag-isip, brother? Aba'y porke ba may napansin ako ay pinag-iisipan na? Hindi ba maari na sabihing ano ang napansin?"
Well, hindi naman sa pinag-iisipan niya ng hindi maganda ang boss nilang mukhang bumalik ang pagka-bipolar. Ruthless, maniac, walang kuwentang tao, at stubborn man kung tawagin ito ng karamihan. Subalit silang nakakaalam ay hindi. Mayroon pa rin itong atay at balun-balunan huwag lang kantiin. Dahil isang kumpas lamang ng daliri nito ay ligwak ang nilalang.
"Hmmm... Mukhang goodness iyan, brother. Kaya't sige, sabihin mo na at ng mapag-usapan natin---"
Subalit hi
