"BOSS! MASTER! WE GOT A PROBLEM!"
Kulang ang salitang malakas upang ilarawan ang boses ng isang tauhan ni Master Turky. Kaya naman ay dali-dali siyang humarap dito.
"Siguraduhin mo lang na kaaya-aya sa aking pandinig ang iyong sasabihin. Dahil hindi lang ulo mo ang puputulin ko kundi pati ang iyong kaligayahan! Hah! Nasa kalsada pa naman tayo sa pagkakaalam ko wala sa peryahan!"
Mahina man ang pagkasabi niya subalit maaring mapisa ang kamatis na maapakan dahil sa diin!
Kaso!
Natakot yata ang pobreng lalaki na mawalan ng ulo sa baba at taas! Dahil imbes na sumagot ito ay napakamot pa sa ulo.
"Dumating ang pinakahihintay kong pagkakataon. Ngunit makakalimutan ko ito kapag hindi ka pa magsalita riyan, Salman!" Muli ay nanggigigil siya dahil lumipas ang ilang minuto na hindi ito sumagot
