Sandra’s POV
“SAAN ba tayo pupunta, Axel at bakit kailangan pang iwanan si Sofia sa bahay ng daddy mo? Hindi ba pwedeng isama na lang ang anak natin sa lakad?” tanong ko kay Axel na ngayon ay nililigpit ang gamit na ipapadala niya sa kay Sofia. Isa—isa niya iyong inilagay sa loob ng bag.
“Hindi pwedeng sumama si Sofia, Sandra.” Sagot nito na siyang ilang beses ko na ring narinig ang sagot niyang iyan sa tuwing nagtatanong ako tungkol sa lakad namin.
Hinding—hindi talaga siya nagbabago. Ganito pa rin siya. Mahilig nga talaga siyang pumupunta sa lakad nang hindi ko man lang alam kung saan lugar kami pupunta. Hindi rin niya sinabi sa akin ang tungkol sa lakad naming ito basta nalaman ko na lang nang sinabi niyang pagbihisin ako.
“Bakit nga, Axel? Saka bakit hindi mo na lang sabihin sa aki
