HINDI makakapayag si DK na umalis si Everlee. Nagpaalam itong pero nag-drama siya, hindi lang ito mapaalis. Sinagot ba naman kasi siya nito kanina ng ‘Oo naman mahal ko si Ryder. Kaya nga sinagot ko, ‘di ba?’
“Masakit pa ba?” Halata sa mukha ng dating asawa ang pag-aalala kaya napangiti sa loob-loob si DK. Kakalabas niya lang noon ng banyo.
Sabi niya kasi, masakit ang tiyan niya. Saka parang nag-LBM siya. At mukhang naniwala naman ito. Ilang beses na siyang pumasok sa banyo at nag-flush para mapaniwala.
“Dalhin na kaya talaga kita sa ospital?”
“No need.” Pabagsak na nahiga siya sa higaan nito. “Nakainom naman na ako ng gamot. Saka reresetahan lang din namam ako ng doctor ng gamot na gaya ng naibigay mo. So why bother?”
“Eh, kasi naman nakailang balik ka na sa loob, e.” Naupo ito sa g
