Pakiramdam ni Naddie ay broadcasted na sa buong pamilya nila ang involvement niya kay Dee Martin Deogracia. Hindi na siya magtataka kasi kung alam ng mga kaibigan niya, malamang malalaman na rin ng mga magulang ng mga ito. Dahil halos nasa iisang compound lang din naman sila ng mga kabanda ng papa niya ay tinuturing na rin nila ang mga itong parte ng kanilang pamilya. Pamilya naman kasi talaga ang turingan ng Lights Out mula pa man noon. They got each other’s back to the point na kapag wala ang mama at papa niya ay ang mga tito at tita niya na ang bahala sa kanya. Ganoon sila kasanggang-dikit ng mga kababata at mga tito at tita niya.
Ngayon di niya alam kung blessing ba iyon o naging curse na kasi nga kumalat na iyong involvement niya kay Dee. Hindi niya maipaliwanag ang kaba sa tuwing n
