Pagpasok pa lang ni Alejandro sa pinto ng silid namin ay malakas nang lumapat ang palad ko sa pisngi nito.
Galit na galit ako ngayon at hindi ko alam kung kaya ko bang kontrolin pa iyon ngayon. Kanina ko pa gustong-gusto na magwala, pero dahil nasa baba pa ang abogado ay nagpigil ako.
Bahagyang nagalusan ang pisngi ng lalaking sumira ng plano namin ng Lola ko.
"Ang sama ng ugali mo, Alejandro. Ganyan ka ba kagalit sa pamilya ko, sa akin, para gawin mo iyong mga ginawa mo kanina? Ito ba iyong naisip mong ganti dahil kinontrol ka ng mga Soloren? How could you do this to me? Grabe ka naman!" akmang papaluin ko pa ito sa dibdib, ngunit pinigil ako nito.
"Gusto ko lang itama ang mga maling plano n'yo, Coleen." Seryosong ani nito sa akin.
"Itama? Gusto mo lang itama, pero sana man lang
