Panay ang buntonghininga ko habang pinagmamasdan ang mga binili kong caimito. Sa tuwing dumaraan ako sa prutasan ay hindi ko nakakalimutang bumili no'n.
Mag-aanim na buwan na... pero parang kailan lang. Hindi s'ya nagpaalam, walang pasabi man lang.
Ang mga prutas na binibili ko ay pinagmamasdan ko lang kapag hindi ako busy. Hanggang sa mabulok ang mga iyon sa ilang araw na nasa table lang. Itatapon saka bibili ulit.
Gano'n lang ang ginagawa ko. Mas madalas ding buhos ang oras ko sa trabaho, muli kong hinawakan ang ilang negosyo ko. Para man lang may mapagbuhusan ako ng mga oras sa araw-araw na ginawa ng Diyos.
Hindi ko rin naman kinalilimutang bisitahin si Mr. Anthony Riverra. Kapitbahay ko lang ito, sa katabing bayan kami ng Sindang nakabili ng lupain, pinaayos lang ang dalawang b
