"Coleen!" halos sunggaban na ako ni Karik para lang mayakap nang mahigpit. Gabi na, narito ako sa ospital. Mag-isa sa private room na kinuha ni Alejandro para sa akin.
Kailangan pa raw kasi nitong bumalik sa hacienda para asikasuhin ang mga tauhan na nakaligtas sa sunog. Hindi pinalampas ni Lola ang bahay ng mga tauhan. Ipinasunog n'ya rin talaga.
Wala na si Lola at Daddy. Naitawag ko na iyon sa aking ina na nakakulong pa rin sa Metro. Mabuti na nga lang at pinayagan ako ng pulis na makausap ko.
"K-arik, bumalik ka..." naluluhang ani ko rito. Pakiramdam ko bigla akong nagkaroon ulit ng kakampi. Napahikbi ako at nauwi na iyon sa paghagulgol. Parang ayaw ko na s'yang pakawalan. Gusto ko na lang yakapin nang mahigpit."Akala ko hindi ka na babalik... I'm sorry!" guilty rin ako, sa totoo
