One year later...
Maluha-luha si Erin habang inililibot ang kaniyang mga mata sa buong paligid ng The House of Empanada na pag-aari na niya. Dito niya ibinuhos ang lahat ng naipon niya sa paggawa ng empanada. At ngayong araw ay katatapos lang ng kanilang grand opening. Tuwang-tuwa silang lahat dahil dinagsa sila ng maraming tao.
"May resto ka na tapos malungkot ka pa rin?" untag sa kaniya ni Kuya Rafael nang lapitan siya nito at nakita ang reaksiyon ni Erin.
Tinupad ng kaniyang kapatid ang pangako nito noon na sa Pilipinas na muna manirahan para ito naman ang mag-alaga kay Mommy Nenita. Pati na rin ang pangako nitong sariling buhay naman ni Erin ang atupagin niya. Nagulat lang ito nang malamang hindi na niya sa Canada itutuloy ang mga pangarap. At doon na inamin ng dalaga kay Kuya Rafa
