"Caleb, sama ka sa'min mamayang gabi. Magdi-disco kami sa Sunflower Nightclub," yakag ng katrabaho ni Caleb na babae, si Alyana, pagkatapos nilang mag-lunch break. Katulad niya ay isa rin itong Filipino.
"Sure. No problem," mabilis niyang tugon. "Sino-sino ba tayo?"
"Ibang-iba ka na talaga ngayon, Cal. Hindi ka na mahirap yayain," sabi naman ng isang Pinay din na si Desiree.
"Oo nga. Gano'n ba kahigpit ang girlfriend mo dati na kahit mag-inom lang sa mga bar ay hindi ka pinapayagan?" dugtong pa ni Alyana.
Kung dati-rati ay puro tanggi si Caleb kapag niyaya siya ng mga ito, ngayon naman ay wala na siyang hinihindian. Kahit anong gimik ay game na game siya. Kapag weekends at walang pasok ay inuumaga na sila sa mga bar at nightclub. Walang uwian hangga't hind
