"May good news daw ang Kuya Rafael mo sa'yo, little sis," masayang bungad ni Ate Lily nang tumawag ang mga ito kay Erin isang umaga.
"Hmm. Ano po iyon, Kuya?" excited niyang tanong sa kapatid.
Nagkatinginan muna ang mag-asawa at ngumiti bago muling humarap kay Erin. "Sa January, uuwi kami diyan. Baka diyan ko na muna pag-aralin ang mga pamangkin mo. Diyan na rin muna kami titira. At baka magpapahinga muna ako ng isang taon sa trabaho ko. Tutal naman, kahit papaano ay nakapag-ipon na rin kami. Nami-miss na namin kayo ni Mommy, eh. At saka para maranasan ko naman ang mag-alaga sa kaniya. Baka magtampo na sa'kin si Mommy, eh. Baka sabihin niya na nakalimutan ko na siya," mahabang pahayag ni Kuya Rafael.
Hindi makapaniwalang namilog ang mga mata ni Erin. "Wow! Totoo, Kuya Raf? Mag-i-stay
