Alyas Kanto Boy
Ai_Tenshi
Part 48
Mistulang isang malakas na bomba ang inihagis sa aking harapan noong mga sandaling iyon. Kasabay nito pinag halo halong emosyon na naging sanhi ng paninikip ng aking dibdib. "Tol, inaatake ka ng hika, nasaan ang gamot mo?!" ang tarantang tanong ni Zack na halos hindi malaman ang kanyang gagawin.
Mabilis nitong kinapa ang aking inhaler sa bulsa ng aking bag at agad na iligay ito sa aking bibig. "Huminga ka ng malalim at ikalma ang iyong sarili. Hindi makatutulong ang labis na emosyon tol. Please.." ang sabi nito habang niyayakap ako.
At dahil sa pang yayari iyon, agad na nag pasya si Zack na iuwi na lamang ako ng siyudad upang doon ay makapag pahinga. Halos hindi pa rin mawala sa mukha nito ang labis na takot at pag aalala dahil sa eksena
