"Salamat po. Balik po kayo. Bili po ulit kayo." Kumaway-kaway si Kiara sa pulis na ama ni Bhe na bigla na lang nag-iba ang sadya kay Kevin. Tuwang-tuwa siya na binilang ang perang binayad sa kanila.
Si Kevin ang napapatulala pa rin kahit wala na ang pulis. Kahit anong isip nito ay hindi nito maipaliwanag ang mga nangyayari. Parang mababaliw na tuloy ito.
"Hoy, okay ka lang?" Kalabit ni Kiara kay Kevin nang mapansin niyang tulala ang binata.
"Huh?" Wala sa sariling tingin ito sa kanya.
"Sabi ko okay ka lang?" ulit niya na kung tututukan ng tingin ang kamay niya ay nangungupit na pala siya ng isang daan mula sa perang hawak na pinagbentahan ng baboy. Remember, masama ang mangupit.
Napakamot sa sintido si Kevin. "Ewan ko pero sa tingin ko kailangan kong magpagamot sa albularyo dahil tal
