NANGUNOT ang noo ni Baste nang pumasok sa opisina niya ni Mateo na mukhang problemadong problemado. Natigil siya sa pagbabasa ng case file at hinayon ang tingin dito. Nakita niyang naupo ito sa couch saka malalim na napabuntong hininga. Sigurado naman siyang hindi work related stress iyon at malamang alam na nitong darating na sa bansa ang mama ni Shalee.
Tumikhim siya upang kuhain ang atensyon nito. Dalawa palang sila nila Rina na nakakaalam tungkol sa totoong ugnayan ni Shalee sa pamilya ni Mateo. Hindi pa niya magawang sabihin dito dahil una, gusto niyang malaman nito iyon galing kay Mateo. Pangalawa, masyadong complicated ang lahat dahil may kilalang pamilya na involve.
“Tita Melissa wants dad to meet Shalee. Ito pa nagbigay araw, oras at lugar kung saan kikitain ni Shalee si daddy,”
