HINDI MALAMAN NI ni Zenna ang gagawin kay Arianne para tumahan ito sa kaiiyak. Ilang oras na itong umiinom pero ayaw paawat. Inabot na sila ng gabi sa Amigos Bar dahil sa walang tigil nitong pag-inom. Halatang mabigat ang problemang dinadala nito.
Nag-aalala na siya at baka kung ano ang mangyari dito, kaya nsman minabuti niyang bantayan na lang ito.
“ Zenna, shabihin mo nga sa akin hik... kung kafalit-falit ba ang mukhang ito hik? ”
Namamaga at namumungay na ang mga mata ng kaibigan dahil sa kaiiyak at kalasingan.
Umiling siya at tinitigan ang kaibigan. Sabog na ang mahaba nitong buhok sa mukha at wala sa ayos pero maganda pa rin. Lalo na at wala itong suot na malalaking eyeglasses. Malalantik ang mga pilikmata nito, matangos ang maliit na ilong at natural na pula ang hugis pusong mga
