"Tang ina! Mabuti talaga at wala kami sa party na 'yan dahil kung hindi baka nanghiram ng mukha sa aso ang cousin ni David. Ang kapal ng mukhang sabunutan ka! Hindi ako makakapayag na may sumasabunot sa iyo. Dapat kami lang ang may karapatan na sumabunot sa iyo!" Halos marinig na ng kabilang bahay sa lakas na sigaw ni Veronica.
"Tama ka diyan, Bakla. Swerte niya at wala tayo roon baka nanghirap siya ng mukha sa aso. Bakit kasi nagpapatalo ka sa kanya. Hindi na uso ang Princess Sarah sa panahon ngayon,"ani Dina.
"Bakit nadamay si Princess Sarah?" sabat ni Tiffanie.
"Api-apihan ang ganap ng buntis nating kaibigan," ani Dina.
Umiling ako pagkatapos ay ininom ko ang buko juice sa harap ko. Nang sabihin ko sa kanila ang nangyari sa akin kagabi. Wala pang dalawang oras ay nasa bahay na sila
