Chapter 44
Natigilan si Helena nang makita si Jedrick na naglalakad papalapit. Ang sasakyan nito ay nakaparada sa may labasan, ilang metro ang layo mula sa kanila. Mabagal ang hakbang nito, na parang bilang. Nakatingin ito diretso sa kanya, may halong pang-aasar at kumpiyansa ang ngisi ng lalaki.
May alam kaya ito sa katotohanan o pinaninindigan din nitong isa itong gahaman at mapapel tulad ng ina nito.
Hindi siya umiwas ng tingin. Sa halip, bahagya siyang ngumiti, isang ngiting kayang itago ang galit, sakit, at plano. Sa loob-loob niya, hindi ito ang tamang oras para magpakita ng kahinaan. Hindi ngayon. Hindi sa harap ng lalaking nanghahamak sa taong tunay na may-ari ng lahat.
“Farrah,” tawag ni Jedrick, huminto ilang hakbang ang layo mula sa kanya. “I didn’t expect to see you here.”
