Warning! Mature content! Not suitable for young readers and read at your own risk!
*****
HINAYAAN ni Sunshine na mag-inom ang tatlo habang inililipat niya ang mga gamit ni Dark sa kuwarto ni Light. Ang kuwarto ni Dark ang tutuluyan ni Justin habang nandito sila sa Isla Montellano. Magsasama sa isang kuwarto ang mga kapatid niya at wala 'yong problema sa dalawa. Sa katunayan ay ang mga ito pa ang nagpresinta na sa isang silid matutulog si Justin sa halip na sa sofa sa sala.
Nakapag-early dinner na rin sila bago ang mga ito nagsimulang mag-inom. Madilim na sa labas nang matapos si Sunshine sa ginagawa at kasalukuyan siya ngayong nasa silid niya habang hinihintay niyang matapos ang tatlo sa pag-iinom.
Dinig ni Sunshine sa loob ng kanyang silid ang ingay ng tatlo buhat sa sala at maya't ma
