ILANG araw pa ang pinalipas ni Sunshine bago siya nagdesisyon na magtungo sa Isla Montellano para bisitahin ang mga kapatid at tiyahin niya. Kasalukuyan silang nasa biyahe at katulad nang inaasahan ni Shine ay kasama si Justin na mas excited pa yatang tumapak sa Isla Montellano. Hindi ito pumayag na maiwan niya.
Maaga silang umalis dahil ilang oras din ang biyahe patungong isla. Hindi alam ng mga kapatid niya na ngayong araw ang balik niya sa Isla Montellano pero alam ng mga ito na nakabalik na siya sa bansa. Ang alam lang ng mga ito ay kasama niyang bumalik ang amo niya kaya hindi siya agad nakauwi sa isla.
Tanghali na nang makarating sila sa isla at kusang sumilay ang malawak na ngiti sa labi ni Sunshine nang muli siyang makatapak sa lupa ng Isla Montellano kung saan siya ipinanganak a
