"Ma, hayaan n'yo na po akong gumawa ng paraan sa pagkakataong ito. Walang ibang makakasalba sa atin, ma, kundi si tito Harris kapalit ng alok nito at handa na po akong tanggapin iyon."
Hindi pa rin siya nakapagsalita. Napayuko lamang at patuloy na humihikbi.
Masakit pa din ngunit napagdesisyunan ko nang tawagan si tito Harris.
"Hija? Good afternoon! Napag-isipan mo na ba ang inaalok ko sayo?"
Tumingin ako sa itaas at mariing pumikit saka hinayaan ang luha sa paglandas. Gayunpama'y sinikap kong huwag mapahikbi at maging matatag nalang.
"Opo, tito. Magpapakasal po ako sa anak ninyo kapalit ng pagtulong ninyo sa pagsalba sa mga naiwan sa amin ni daddy."
"Great!" tuwang-tuwa ito mula sa kabilang linya. "Great, hija! You just made the right decision! Hayaan mo at hinding-hindi ka magsisis
