LOVE CONFESSION
CHAPTER 29
DUMAAN muna sina Xander at Celine sa isang simbahan. At doon, nag- alay ng panalangin ang dalaga. Taimtim ding nagdasal si Xander habang katabi nito si Celine. Kapwa sila nagtulos ng kandila at pagkatapos ay magkahawak- kamay silang lumabas ng simbahan.
"Ano ang ipinagdasal mo kanina?" tanong ni Celine nang tumatakbo na ang kanilang sasakyan.
"Secret!" maikling tugon ni Xander.
Napasimangot si Celine sabay halukipkip. Itinuon nito ang kanyang mga mata sa daan.
"Ipinagdasal ko na sana, tayo na habang- buhay!" sabi ni Xander maya- maya lamang.
Nagliwanag ang mukha ni Celine at kinilig naman ito.
"Ikaw, ano naman ang ipinagdasal mo?" ganting tanong ni Xander sa dalaga.
"Marami! Kagaya nang sana, hindi mo ako lolokohin!" sagot ng dalaga.
Napangisi naman si
