Isang mahabang pasilyo ang tumambad kay Kan nang makarating sila sa third floor ng mansiyon. Pero iisang pinto lang ang nakita niya. Napakalawak at mukhang mamahaling pinto.
"Isa lang talaga ang guest room sa floor na 'to?" hindi niya napigilan na usisain si Nicolas nang huminto sila sa tapat ng pintuang iyon.
"No. Hindi ito ang guest room. Nasa second floor lahat iyon," sagot nito habang binubuksan ang pinto.
"Kung gano'n, anong room ito? I mean, kaninong room?"
"This is my room actually."
"Ah okay." Tumango lang si Kan. Ang buong akala kasi niya ay may kukunin lang ito sa loob at saka siya sasamahan sa magiging room niya. Kaya nang binuksan ni Nicolas ang pinto at pumasok ito ay nagpaiwan sa labas si Kan.
Huminto sa paglalakad ang binata. Nagtatakang nilingon siya nito nang maki
