Halos hindi na humihinga si Kan nang makapasok sila ni Nicolas sa sinehan, pagkatapos nilang iwan sa baggage counter ang mga pinamili nila. May bitbit itong isang box na popcorn at dalawang tubig. Ang isang kamay naman ay nakaakbay sa kaniya.
Todo alalay ito sa kaniya habang naglalakad. Lalo na sa pag-akyat nila papunta sa kanilang upuan. Kaya kahit madilim ang paligid ay kampante pa rin si Kan sa bawat hakbang niya.
Isang horror suspense thriller movie na may halong romance ang palabas na napili nila. Iyon nga ang sikat na sikat at trending na pelikula ngayon worldwide. Pero totoo nga ang review ng iba na medyo boring daw ang simula ng palabas. Tahimik lang tuloy silang nanonood ng asawa niya habang kumakain ng popcorn.
"I hope I'm not boring you or anything," kapagkuwan ay wika ni Ni
