"Hanggang kailan ka pala rito sa Las Vegas?" seryosong tanong ni Kan kay Nicolas. Nangalahati na ang pinapanood nilang movie at unti-unti nang naging exciting. "Babalik ka ba agad sa Japan pagkatapos ng problema mo kay Honoka?"
"I don't know yet," kibit-balikat na sagot nito. "Depende kung may kailangan pa akong gawin sa Happy Life. At depende kung pipigilan mo ako," baling nito sa kaniya na sinundan naman agad ng ngiti.
Lihim muna siyang lumunok para lang hindi mautal o ano kapag nagsalita siya. "At bakit naman kita pipigilan?"
"Wala lang. Naisip ko lang."
"Kahit naman totoong asawa mo ako ay hindi ako clingy na babae. Hahayaan pa rin kitang gawin ang mga obligasyon mo o mga bagay na nakasanayan mo nang gawin kahit magkalayo tayo." Sinulyapan niya ito. "Ayoko ko kasing maramdaman ng m
