Palinga-linga sa paligid si Kan nang dumating siya sa bar. Hindi naman pala iyon ganoon kalawak sa loob. Hindi rin ganoon karami ang tao. Katunayan niyan, kaya lang niyang bilangin sa kaniyang daliri ang mga nakikita niya na umiinom sa counter. Pero maganda talaga. Buhay na buhay dahil sa live music na nakasalang. At totoo rin na nagsisisigandahan ang mga staffs doon.
Pero bakit wala yatang nagsisisigandahan na mga customers ngayon? Halos puro lalaki ang mga nakikita niya. Samantalang kahapon lang nang makita nila na maraming babae roon na magaganda at talagang napaka-sexy at daring ng suot ng mga ito kahit ang lamig na ng paligid.
Gayon pa man ay hindi pa rin makita ni Kan ang asawa kahit puro mga lalaki naman ang nandoon. Kahit anong sipat ang gawin niya sa bawat sulok ng bar ay wala
