Nagmistulang totoong may handaan ang restaurant ni Auntie Vilma nang dumating sila roon. Sarado nga pero punong-puno naman ng pagkain ang mga lamesa na ginawang buffet. At ang nakakagulat pa ay naroon din lahat ng mga katrabaho ni Kan. Ngunit mas nagtaka siya nang lahat sila ay bumati sa kanila ni Nicolas.
"Congratulations, newly wed!" sabay-sabay na sigaw ng mga ito, sa pangunguna ni Auntie Vilma.
Naging sunod-sunuran na lang si Kan sa bawat sasabihin ng tiyahin. Pati na ang pag-cheers nilang lahat para sa pagsisimula ng selebrasyon. Para siyang nalulula samantalang enjoy na enjoy lang si Nicolas sa mga kaganapan. Tila hindi man lang ito nag-aalala ngayon na marami na ang nakakaalam sa dapat ay secret deal lang nila.
Napatingin siya sa binata. Nagawa pa nitong ngumiti habang siya ay n
