"Bakit naman pati si Auntie Vilma ay idinamay mo pa?" pabulong na tanong niya kay Nicolas bago pa man tuluyang makalapit sa kanila ang tiyahin niya.
"Para mas maging makatotohanan ang lahat. Paano maniniwala ang family ni Honoka kung kahit isa sa pamilya mo ay walang um-attend?" depensa nito.
Bagaman at aminado si Kan na may punto naman ang binata ay naiinis pa rin siya rito. "Paano kung nakarating sa family ko ang tungkol dito?"
Hindi na siya nasagot ni Nicolas dahil nakalapit na sa kanila si Auntie Vilma.
"Congratulations in advance, Hija," wika nito at nagbeso sa kaniya.
Hindi naman maitago ni Kan ang pag-aalala sa magandang mukha niya. "Auntie—"
"Don't worry," kaagad na sagot nito. Mukhang alam na agad nito ang pinoproblema niya. "Wala akong pagasabihan. Kahit pa sa family mo
