Kinabukasan maaga silang bumiyahe ni Gideon pauwi ng San Sebastian, hindi na nga sila nakapag almusal bago sila umalis dahil sa pagmamadali ng asawa niya. May urgent meeting daw ito kaya kailangan na nitong makabalik ng San Sebastian. Nagduda siya sa sinabi ng asawa, dahil matagal ng nakaplano ang pag stay sa bahay ng mga magulang niya nitong weekend. Kaya naman tinawagan niya ang secretary nito para alamin ang schedule ng asawa niya. At nalaman niyang wala itong meeting ngayong araw.
Alam niyang may kinalaman sa biglaan nilang pag uwi ng San Sebastian ang naging pagtatalo nilang mag asawa kahapon tungkol sa kung ano nga ba ang totoong dahilan ng pagpapakasal nito sa kanya. Ramdam niya ang pagdududa ng asawa sa kanya. Lalo na ngayong naibigay na nito sa kanya ang malaking shares sa ospita
