Maaliwalas at talaga namang masaya silang bumalik ng San Sebastian ni Gideon matapos ang isang linggong honeymoon nila sa New York. Nasulit nila ang pag stay roon, wala silang sinayang na mga araw roon, lalo na nang maging ok na silang mag asawa. Nalibot na nga yata niya ang buong New York, isama pang pinamili siya ng asawa ng mga kung anu-ano. Tumatanggi siya pero hindi siya pinagbibigyan ng asawa. Nais daw nitong ibigay sa kanya ang lahat kaya naman tinatanggap na lang niya ano man ang ibili nito sa kanya.
Maaga siyang nagising para ihanda ang damit na susuotin ng asawa papasok sa opisina, siya man ay inihanda niya ang susuotin niya. Pagkatapos ay bumaba naman siya para maghanda ng almusal sa kanila ng asawa, iniwan niyang mahimbing pa ang tulog nito. Paano naman kasi kahit pagod sila s
