NAKATITIG ako sa mga mata ni Bernard habang nagsasalita siya sa harapan namin ni Ate Carol. Hindi ko maipaliwanag ang nararamdaman ko ngunit parang ibang tao ang nakikita ko ngayon. Hindi ko na nakikita kay Bernard ang pagmamahal niya sa akin. Hindi ko na rin iyon nararamdaman sa kanya.
Hindi ko alam na sinundan pala ako ni Ate Carol dito sa coffee shop ng kaibigan ni Trinity. Napakiusapan ko na kung p'wede kaming dito na lang mag-usap ni Bernard dahil hindi ako mapalagay sa bahay. At dahil co-owner naman si Trinity sa coffee shop ay pumayag si Antoinette sa pakiusap ko.
Nanginginig pa rin sa galit ang kapatid ko habang nasa harapan naming dalawa si Bernard. Alam ko na concern lamang ang kapatid ko sa akin dahil saksi siya sa pag-iyak ko dahil sa ginawa sa akin ng asawa ko.
"Bakit mo in
