Masayang-masaya ako na sa wakas ay akin na ang babaeng pinakamimithi ko. Hindi na lang ito hanggang sa pangarap na lang, hindi na lang ito panaginip na lang dahil hawak ko na sa aking papel ang katibayan na kasal na kami.
Nakangiting tinitingnan ko ang pirma naming dalawa ni Farrah sa marriage certificate na hawak ko. Bukas na bukas ay ako mismo ang magdadala nito sa Local Civil Registrar at personal na ipaparehistro ang aming kasal.
Wala akong tiwala sa kung sino man na pwedeng utusan sa bahay kaya ako mismo ang magpaparehistro ng kasal namin ni Farrah. Mahirap na, baka si Mommy pa ang magsabotahe para marehistro ang kasal namin ni Farrah. Kahit sinabi niya na tatanggapin niya sina Farrah sa pamilya namin, alam kong hindi ito bukal sa kanyang kalooban dahil hindi naman niya nilalapit an
