Hindi umuwi si Senyora Venice kagabi. Nalaman ko lang ito kay Ate Mizty at Ate Beth nang tinawag nila ako sa taas para gisingin ako para mag-almusal. Ayaw ko pa sana ang bumaba dahil baka makita ako ng dragona. Ngunit sinabi nilang wala nga ang Senyora at hindi pa umuuwi.
Marahil binantayan niya sa ospital ang manugang niyang hilaw. Hanggang ngayon ba ay hindi pa nagigising kaya roon pa sa ospital natulog ang Senyora? Nawalan ng malay si Miss Lucia nang tamaan ng aking kamao, baka coma pa ang bagsak niya dahil nilagay ko pa naman ang lahat ng pwersa ko sa aking kamao.
"Baka na-coma si Lucia kaya wala pa si Senyora?" tatawa-tawang sabi ni Ate Beth habang marahan niyang nilalapag sa aking gilid ang isang baso ng gatas.
Napahalakhak naman si Ate Mizty na nagpapahid ng butter sa toasted bre
