AGATHA
"Galing sa grupo ni Zexto San Francisco ang mga pekeng ebidensya na siyang ginamit nila against me, kaya nakulong ako ng isang buwan," unang paliwanag ni Mr. Madrigal na bumaling sa anak.
"Gaya mo, Draven, naging sensational din ang kaso ko noon at pilit na sinira ang reputasyon ko.
Kung ano ang nangyari ngayon sa iyo Draven ay naulit lang sa pinagdaanan ko noon. Ang kaibahan nga lang, mas drastic ang naging atake nila. He killed your grandfather at nilason ng virus ang mommy mo, matapos pahirapan at kidnapin ng mga hayop na kasabwat ni Zion San Francisco."
Pinakinggan ko ang bawat salitang binitawan ni Mr. Madrigal na hindi maitago ang labis na galit sa nagngangalit na mga mata. Umamin ang ama ni Draven mismo na siya nga pala talaga ang nag-utos para patayìn ang mga magulang a
