Matapos makausap si Aidan ay lumabas ako ng silid para kumain. Katatapos lang maligo ni Ate Em at naabutan ko siyang naghahanda ng mesa para sa dinner ko dito sa maliit na kusina.
Agad namang ngumiti si Ate Em at itinuro sa akin ang mesa. “Kumain ka na, Sofie at gabi na.”
Dahil nagugutom na rin ako, kaya agad akong kumuha ng pagkain at mabilis kumain ng hapunan.
Marami kasi akong gagawin ngayon, kaya walang dapat masayang na oras.
Matapos mag-dinner ay naghanda agad ako para umalis. Tiningnan ko ang tracker na nakakabit sa sasakyan ni Chase. Hindi na siya bumalik sa office niya. Mukhang umuwi na siya sa kaniyang bahay sa Dasmariñas Village dahil doon ang lugar na nakita ko sa marking point ng tracker.
“Ready ka na, ate?” tanong ko kay Ate Em nang lumabas ako sa silid ko.
“Oo, kanina
