HACIENDA SAAVEDRA turned out to be the most enchanting place Florence had ever been that night. Nang ihatid siya ni Kent doon ay napansin agad niyang nagniningning ang buong kabahayan sa mga ilaw at ang malawak na hardin ay tila naging bahagi ng mga palasyong nasa England. Nabaling lamang sa iba ang atensiyon niya nang magpaalam na ito sa kanya. Pupuslit kasi ito sa loob at magpapanggap bilang isa sa mga waiters dahil wala itong imbitasyon. Ibinilin niya kay Kent na huwag na huwag magpapakita kay Donn habang hindi pa oras.
Lumapit si Florence kay Señora Bettina at matapos itong batiin ay nagpaalam siyang makikihalubilo muna sa ibang mga bisita dahil abala ito sa pag-e-entertain ng mga dumarating.
“Hija, it’s nice to see you here.”
“Doctor Saavedra,” bati niya sa matandang doktor. “Good
