INIWAN ni Malia si Andrew sa restaurant. Tinawag din kasi ito ni Direk Gabby. Hindi pa naman nagre-resume ang taping kaya tumambay muna siya roon. Nakaupo sa tabi niya si Tyron, na siyang humila sa silya. Wala talaga itong pakundangan. Feeling ata nito buhay pa rin at basta na lang nagpapagalaw ng mga bagay sa harap ng ibang tao.
“You sacred Malia, Ty,” sabi niya.
“Umupo lang naman ako,” anito.
“Oo nga, pero hinila mo ang silya, ang lakas pa.”
“Naipalusot mo naman.”
“Uh, tumigil ka. Makahahalata na si Malia na minumulto siya kahit saan. At saka, bakit ka ba tumambay rito? Busy ako.”
“Hindi ko gusto ang paglapit ni Jerom kay Malia. Sana hindi ka pumayag na tanggapin niya ang extra role.”
“Ty, I can’t stop Malia. Kita mo naman na masaya siya ‘di ba? At huwag kang mag-alala, professio
